03. Abr 2023 – Isabelle Schmoetten, Invitée vum Dag um 100,7
Sollen Eltere finanziell entschiedegt ginn, wa se hir Kanner doheem versuergen? Am Moment géifen d’Meenungen iwwer e sougenannt „Elteregeld“ bei de Memberen ausernee goen, esou d’CID-Direktesch Isabelle Schmoetten. Si betount awer, de CID wéilt sech weider um Debat iwwer dat Theema bedeelegen. (Rick Mertens)
De CID Fraen an Gender fuerdert e Gebuertscongé vun dräi Méint fir béid Elterendeeler. D’Direktesch vum feministeschen Zenter seet, net just d’Mamm, déi d’Kand op d’Welt bréngt, mee déi zwee Eltere sollen direkt no der Gebuert e Congé vun dräi Méint kréien.
Manner Diskriminéierung um Aarbechtsmarché
D’Isabelle Schmoetten erkläert, datt dat de Virdeel hätt, datt d’Eltere sech vun Ufank un zesummen ëm d’Kand këmmere kënnen. An et géif och verhënneren, datt Fraen um Aarbechtsmarché diskriminéiert ginn.
„…well dann einfach kloer ass: D’Fro vun, déi Fra ass am gebärfähegen Alter, déi wëllt vläicht nach Kanner kréien, dofir stelle mer déi léiwer net an – déi Fro stellt sech net méi.“
D’Directrice vum CID Fraen an Gender seet, datt sech an der Aarbechtswelt géif bemierkbar maachen, datt een, normalerweis, zu zwee Eltere gëtt.
No den dräi Méint Gebuertscongé soll een dann nach zousätzlech den Elterecongé kënnen huelen, sou wéi een dat och elo scho ka maachen.
Keng gemeinsam Positioun zum Elteregeld
Op d’Fro ob Eltere finanziell entschiedegt solle ginn, wa se hir Kanner doheem versuergen, huet de CID Fraen an Gender keng kloer Äntwert. Am Moment géifen d’Meeungen iwwer e sougenannt „Elteregeld“ bei de Memberen ausernee goen, erkläert d’Isabelle Schmoetten.
Si betount awer, de CID Fraen an Gender wéilt sech weider um Debat iwwer dat Theema bedeelegen. Wa méi driwwer diskutéiert gëtt, kéint et och sinn awer nach zu enger gemeinsamer Positioun am CID Fraen an Gender ze kommen. D’Isabelle Schmoetten ënnersträicht, datt dëse Punkt beim Ausschaffe vun de Walfuerderunge keng Prioritéit gewiescht wier.
Ee Kappsprong an d’lëtzebuergesch Museksgeschicht! Gutt honnert Joer, nodeems der Komponistin Lou Koster hiren eenzege Musekstheater 1922 uropgefouert gouf, ass An der Schwemm an enger adaptéierter... Weiter Lesen
DAS CID
CID | Fraen an Gender ist ein Ort für alle die sich für Feminismus, Genderthemen, Gleichheit zwischen allen Geschlechtern interessieren und sich gegen Geschlechterstereotypen aussprechen.
Autres sites web
ÖFFNUNGSZEITEN
Dienstag, Mittwoch, Freitag:
12 – 18Uhr
Donnerstag:
12h – 19h30
& Termine für Recherchen außerhalb der Öffnungszeiten
Im August und während den Weihnachtsferien ist das CID geschlossen.
© 2016 CID Fraen an Gender a.s.b.l. All rights reserved. Webdesign: bakform/youtag