[German]

RTL erméiglecht et mam Format vun der Carte Blanche op rtl.lu, Mënschen ëffentlech hir Meenung zu bestëmmten Themen äusseren ze loossen. D’Carte Blanche vum 8. Juni huet esou dem Paul Hammelmann eng Plattform ginn, fir sech ëffentlech sexistesch an erofloossend ze positionéieren. De CID I Fraen an Gender, eng feministesch Organisatioun déi sech fir eng fair an inklusiv Gesellschaft asetzt, déi fräi vu Virurteeler a Stereotyppen ass, kritiséiert, dass RTL heimat misogynnen a respektlosen Aussoe Raum a Plaz mécht. Dëser Carte Blanche feelt et un thematesch relevantem Inhalt, deen eng konstruktiv Diskussioun lancéiere kéint. Mir erënnere RTL un de Pressecodex an hir Responsabilitéit sech géint all Form vun Diskriminéierung ze engagéieren a stellen eis Expertise am Beräich vu Sexismus a Geschlechterongerechtegeet zur Verfügung.