a Form vun eiser super Stagiaire Lisa Valentiny. Hatt stellt sech selwer vir:

Mäin Numm ass Lisa Valentiny an ech maachen vun Oktober bis Ufank 2021 e Volontariat beim CID am Kader vun engem Service Volontaire National, dee vum Service national de la Jeunesse proposéiert gëtt. Dëst ass eng Méiglechkeet, eng Organisatioun aus dem sozialen oder kulturelle Beräich kennenzeleieren.

Ech hunn e Bachelor an der Kultur-an Sozialanthropologie op der Uni Wien gemaach an interesséieren mech fir Feminismus a Gläichberechtegung tëschent de Geschlechter – an der Theorie an an der Praxis. No enger Konferenz mat der Kulturwëssenschaftlerin Mithu Sanyal hunn ech gelies, dass de CID oppen ass fir Fräiwëlleger ze encadréieren. D‘Coronakris ass fir mech de perfekten Zäitpunkt fir e Volontariat ze maachen ier ech mäi Master ufänken.

Net nëmmen däerf ech elo d’Institutioun an hir  Aarbecht, mee och nei Leit kenneléieren, déi sech all fir eng gläichberechtegt Gesellschaft asetzen. Ech wäert ë.a. bei politeschen a kulturelle Projeten hëllefen an d’Bibliothéik an d’Kommunikatioun vum Veräin kenneléieren.